Ensaio coral no CMUS Xan Viaño de Ferrol

21 de marzo. Varias compoñentes do coro do Breamo asisten a un ensaio coral conxunto, con outros centro da zona (IES Terra de Trasancos, IES Sofía Casanova, IES Carballo Calero).
Dirixidos por Fernando López Briones, director do coro Gaos e coro Gaos xuvenil.

Vídeos no blog Cantares do Breamo

Estudantes en defensa da natureza

14 de marzo, o grupo de correspondentes xuvenís sensibilízase coa preocupación crecente entre os xóvenes polo clima e o medio ambiente, e comparte esta inquietude co resto do alumnado.

Teatro clásico e visita ao castro de Viladonga

O pasado 12 de marzo o alumnado de latín, grego e cultura clásica, xunto cos compoñentes do grupo Arjé, asistiron un ano máis á Mostra de teatro clásico de Lugo. Completando a xornada coa visita ao castro de Viladonga.

8 de marzo

Día internacional da muller. Dentro dos numerosos actos que tiveron lugar no noso entorno con motivo da conmemoración deste día, o noso centro quixo participar. Despois de escoitar música de diversas intérpretes galegas, varias alumnas de 2º ESO leron  unha interesante reflexión, que elas mesmas elaboraron, sobre o papel da muller na sociedade actual e sobre os dereitos que non debemos esquecer.

Cartaz elaborado polo alumnado na aula de PT

Visita á refinería da Coruña

27 de febreiro. Visita a este destacado complexo industrial, do alumnado de bacharelato coa materia de tecnoloxía industrial. 

Enxeñería xenética na Domus

O pasado 26 de febreiro, o alumnado de bioloxía de 4º  ESO fixo unha visita á Domus tendo a ocasión de participar nunha práctica de enxeñería xenética.

Entroido 2019!!!

Nestas estábamos cando chegou o entroido, e despois de cumplir todos os mandados do meco, tivemos unha grande e divertida celebración coa fantástica participación de todos e todas.  Segunda fase do concurso de artes escénicas, competicións deportivas e concurso de disfraces. Todo esto sen esquecer a venda de filloas e outras doces que o alumnado de 4º fixo para financiar a súa próxima viaxe de fin de etapa.