En negro

23 de novembro, o alumnado de 2º ESO participa na praza do concello. En negro contra a violencia de xénero.

 

Dep. de orientación

Gravando

Nove alumn@s de 4º ESO están a gravar novamente unha curtametraxe dentro do programa vidas mariñeiras. Cunha temática moi diferente á do ano pasado, buscando espazos, lugares, entrevistas...

 

Fronteira Infinda

O 12 de novembro, nunha actividade conxunta dos departamentos de lingua galega e música, os alumn@s de 1º Bac, asistiron á exposición A Fronteira infinda na sede de afundación en Ferrol. Tiveron ademáis unha visita guiada ao teatro Jofre.

 

Judo

Entre os meses de outubro e novembro, o departamento de Ed. Física, organizou talleres de judo impartidos por Alberto Castro Pena, compoñente do equipo técnico da federación galega de judo.

5 de novembro

 5 de novembro, celebramos o magosto e o samaín no instituto. Os rapaces de 4º venderon as castañas para financiar a excursión de fin de curso. No ximnasio houbo xogos populares organizados polo departamento de E. Física e na biblioteca lectura de historias de medo e proxección de curtas.

Ademáis os alumn@s de 4º de música e artes escenicas representaron, tamén na biblioteca, unha performance arrepiante. 

 

Investigando sobre a migración.

Outubro en Pontedeume, os alumn@s do proxecto erasmus  recibiron a visita de compañeir@s islandeses e finlandeses, amosáronlles Galicia e compartiron experiencias e investigacións sobre a migración. Grazas á axuda da universidade da Coruña, Afundación e á ONG Accem.

Proxecto erasmus +  (departamento de lingua inglesa)

À bientôt. Ata pronto.

Lembrando a dúas grandes artistas españolas que nos deixaron no 2018, despedímonos dos compañeir@s franceses que estiveron pasando uns días con nós no mes de outubro, co compromiso de volver a vernos pronto.

Intercambio co college Saint Joseph de Plabennec 

(departamento de lingua francesa)

Xornada de convivencia coa armada

O pasado día 10 de outubro alumn@s de 4º ESO asistiron a unha xornada de convivencia coa armada, organizada polo departamento de orientación.

Viaxe polo norte de Portugal

En setembro alumn@s de investigación gañadores de diferentes premios  da radio no curso pasado, fixeron unha excursión a Oporto e outras vilas do norte de Portugal.

Éxitos de Arjé teatro

Ao comezar este blog, queremos lembrar os éxitos de Arje teatro no 2018, coas súas últimas obras "La zapatera caprichosa" e "Final de película" . Así como os premios acadados no certame de teatro da diputación da Coruña e nos premios Buero de teatro xoven.

Coincidindo coa celebración dos seus vinte anos de andadura.